Croeso

Mae Parc Isaf yn faes carafanau teithiol a gwersylla bychan, wedi’i leoli o fewn fferm deuluol. Mae'r cyfleusterau o’r safon uchaf ac yn cael ei gadw yn lân ac yn daclus pob amser.

Wedi'i leoli o fewn ffiniau Parc Cenedlaethol Eryri, gyda golygfeydd ardderchog o Fae Ceredigion a Phenrhyn Llŷn. Mae’r fferm wedi'i leoli'n ddelfrydol i archwilio'r tirwedd hynafol a chyfle i fynd ar ambell antur!

Mae nifer o deithiau cerdded i’w cael yn lleol, gallwch ymweld â'r llynnoedd niferus sydd wedi'u lleoli uwchben y fferm neu gallwch fynd am daith gerdded hamddenol drwy goedwig hanesyddol Gors y Gedol, sy'n Safle o Ddiddordeb Gwyddonol Arbennig ac yn enghraifft wych o goetir derw sydd ag ystod eang o blanhigion brodorol. Mae llwybr arfordirol Cymru hefyd gerllaw ac argymhellir i chi fanteisio ar y cyfle i deithio rhan o’r llwybr tra yn ymweld â’r ardal.

Gallwch hefyd ddod o hyd i ystod eang o leoliadau o ddiddordeb hanesyddol ac archeolegol i ymweld â nhw.

Lleolir y maes carafanau a gwersylla yn Nyffryn Ardudwy sydd tua dwy filltir i ffwrdd o draethau Morfa Dyffryn. Mae Dyffryn Ardudwy bum milltir i'r gogledd o’r Bermo a phum milltir i'r de o Harlech.

Ceir cyfleusterau modern sy’n cynnwys toiledau, cawodydd am ddim, mannau eillio, sychwr gwallt (menywod yn unig) a chyfleusterau paratoi bwyd. Mae ystafell ymolchi i'r anabl / teulu hefyd ar gael.

Safleoedd

Rydym yn darparu ar gyfer carafannau teithiol, cartrefi modur a gwersylla. Mae pob safle gwersylla yn laswellt, mae gennym 12 safle aml dywydd ar gyfer carafanau teithiol / cartrefi modur ar gael. Fe'ch cynghorir i archebu safleoedd ar gyfer carafannau teithiol, cartrefi modur a gwersylla (gyda chysylltiad trydan) ymlaen rllawn.

Archebu

Cynghorir i chi archebu safleoedd ymlaen llaw yn enwedig yn ystod cyfnodau prysur, mae safleoedd gwersylla nad oes angen cysylltiad trydan ar gael ar y sail y cyntaf i'r felin. Os am fwy o wybodaeth, cysylltwch â ni. Byddwn yn gwneud ein gorau i ddarparu ar gyfer ceisiadau am safleoedd penodol ond nid yw hyn bob amser yn bosibl, yn enwedig yn ystod adegau prysur.

FFURFLEN ARCHEBU

Carfanau Teithiol

Mae safleoedd carafanau teithiol wedi'i leoli o fewn dau gae gwahanol gyda rhai golygfeydd gwych o Fae Ceredigion. Mae gennym 12 safle aml dywydd ar gael, gyda'r gweddill yn safleoedd glaswellt. Argymhellir yn gryf i archebu safleoedd o flaen llaw.

Gwersylla

Mae'r holl safleoedd gwersylla yn rhai glaswellt yn unig. Mae gennym 5 safle ar gael gyda chyswllt trydan - rydym yn argymell eich bod yn archebu ymlaen llaw. Mae pob safle arall ar gael ar sail y cyntaf i'r felin.

Hunan-ddarpar

Tŷ Cerrig - hen dyddyn wedi'i adnewyddu'n llawn ynghanol pentref Dyffryn Ardudwy. Mae'n mae'n cysgu hyd at 6 o bobl. Mae gan yr eiddo ardd sylweddol a lle parcio digonol. MCredir mai Tŷ Cerrig yw'r tŷ dau lawr cyntaf i'w adeiladu o fewn y pentref.

Cyfleusterau

Mae gennym gyfleusterau modern, sy'n cynnwys toiledau, cawodydd am ddim, lle i olchi llestri a pharatoi bwyd. Mae hefyd ystafell i'r llai anabl / teulu. Mae peiriannau golchi a sychu dillad ar gael yn ogystal â rhewgell / oergell, ar gyfer storio pecynnau rhewi.

Cysylltwch â ni

Parc Isaf Farm

Parc Isaf Farm

Croeso

Archebu

Cyfleusterau